© Tomasz Þór Veruson

Laxinn var grillaður daginn áður og geymdur í ísskáp, helst því vel ferskur.

Hráefni:
- grillaður lax maukaður í litla bita
- fersk steinselja, skorin smátt
- ferskur blaðlaukur, skorin smátt
- 3-4 harðsoðin egg, skorin niður
- 2-3 matskeiðar af majones
- salt og svartur pipar

Allt þetta er blandað vel saman, þangað til salatið fer að bindast og verður þétt. Best er að geyma það í kæli áður en smurt er á brauð, leyfa því að standa í ca. 15mín.

Njótið!

Hinar samlokurnar má finna hér.

Ég er kominn með æði fyrir skarf eftir síðustu sveitaferð þegar ég fékk að fara á veiðar. Rosalega er þetta góður fugl!

© Tomasz Þór Veruson

Þessi loka er gerð úr afgöngum frá því í gær þegar ég grillaði einn fugl…afgangar og tilraunastarfsemi fer mjög vel saman.

Hráefni:
- Gróft brauð
- grillaður skarfur
- tómatar
- grænkál
- papríka
- ostur
- bernaise sósa

Skellið öllu á brauðið í lögum, nóg af grænmeti og osti, kjöt og sósu þar á milli…og dang…njótið!

© Tomasz Þór Veruson

Þessi er með frönsku ívafi, frakkarnir kunna þetta!

Hráefni:
- Baguette
- Smjör
- Pepperoni
- Tómatur
- Papríka
- Papríkuostur

Simple bara, með góðum hníf verður þetta til. Skerið allt hráefnið niður og raðið á brauðið. Mæli með fersku pepperoni úr Búrinu í Nóatúni, verslun sanna sælkera.

© Tomasz Þór Veruson

Ég kokkaði fram þessa snilld fyrr í sumar úr afgöngum sem til voru í ísskápnum. Voða einfalt en samt massíft. Rosalega holt líka…

Hráefni:
- Langlokur
- Beikon
- Pulsur
- Ostur
- Tómatur
- Rauðlaukur
- Sýrðir sveppir
- Bernessósa

Á meðan pulsan og beikonið grillast er brauðið smurt með bernes og grænmetið lagt á. Ofan á það kemur kjötið og svo osturinn. Þessu er síðan skellt á grillið og brauðinu leyft að ná hita, þangað til að osturinn bráðnar vel.

Einfalt og frekar holt…þökk sé tómatinum…. : )

Þetta er svar mitt við þeirri beiðni…einn grillaður og gífurlega hollur.

Svepp & egg

© Tomasz Þór Veruson

Þessi er frekar simple…eins og flestir aðrir borgarar. Það er hins vegar ferska hráefnið sem skiptir öllu máli hér, ferskar sósur og brakandi grænmeti.

Hráefni:
- Hamborgarar
- ostur
- egg
- papríka
- gúrka
- rauðlaukur
- sýrðir sveppir
- piparsósa
- tómatssósa
- chrzan (e. horseradish)

Grilla grilla og setja saman…simple. Er þó með eitt trikk, þegar brauðin eru hituð á grillinu mæli ég með því að hita þau í heilu lagi, þannig verða þau brakandi að utan en mjúk að innan.
Smyrjið brauðin sitthvoru megin með piparsósunni, skellið grænmeti undir, egginu ofan á það, kjötinu ofan á það, meira grænmetið ofan á það, tómatssósu ofan á það, chrzan ofan á það og lokið með brauði…snilld!

Reykta svínið

© Tomasz Þór Veruson

Þessi er mjög einföld en samt rosalega góð. Undirstaðan er kjötið, fyrsta flokks svínalundir, reyktar. Kjötið er gert skv. pólskri uppskrift og fæst það í nokkrum búðum hér á landi, t.d. Krónunni og Mini Market. Það er meyrt og rosalega bragðgott…en soldið dýrt…þó alveg þess virði.

Hráefni (2 samlokur):
- 4x brauðsneiðar
- ca. 150gr. kjöt (Polędwica á pólsku)
- 1x tómatur
- 4x sneiðar af osti
- smjör
- dijon sinnep

Leiðbeningar:

Jaaa…það þarf nú ekki beint leiðbeningar við þessar gerð : ) Skerið allt í sneiðar, skerið skorpuna af brauðinu og raðið öllu saman eftir smekk. Dass af smjöri og sinnepi á brauðsneiðarnar og bingó…svínið er til.

Namm!

Villti kjúkklingurinn

Þessi loka varð til ekki fyrir svo löngu síðan og í fyrsta sinn sem ég gerði hana var pælingin að nýta kjúlla sem varð afgangs frá kvöldinu áður. Nú kaupi ég sérstaklega inn fyrir þessa loku…svo góð er hún : )

Hráefni (3 samlokur):
- 2x kjúkklingabringur
- 1x beikonpakki
- 1x tómatur
- 6x brauðsneiðar
- 3x sneiðar af osti
- 3x egg
- dass af tómatssósu, chrzan (e. horseradish) (fæst í Mini Market) , og nokkrir sýrðir sveppir (fást í Mini Market)
- smjör til steikingar

Leiðbeningar:

- Byrjum á því að steikja kjúllan upp úr smjöri, kryddið vel með salt og kjúllakryddi. Steikið síðan eggin á sitthvorri hliðinni.
- Beikonið steiki ég alltaf í ofni til þess að fá það vel stökkt…mæli með því, drefið því á bökunarpappír og voila…

- Ég rista brauðið og smyr það síðan með pólska undrinu chrzan. Þetta svipar soldið til sterks sinneps en með mun mýkra og jafnvel rjómakenndra bragði…vel sterkt og gott.

- Sneiðum tómatinn og sveppina í þykkar sneiðar. Sveppirnir eru soldið súrir á bragðið og vega vel á móti fitunni sem er í beikoninu.

- Þá er bara að setja Villta kjúkklinginn saman. Brauð-chrzan-tómatur-kjúlli-ostur-egg-tómatssósa-beikon-sveppir-brauð

Fáranlega einfalt en samt svooo gott….

Alla tíð hef ég haft dálæti af því að prófa nýjar samlokur, nýjar samsetningar hráefnis ofl. Að mínu mati þarf neflilega ekki meira til en að breyta sósu og þá verður samloka aaallt öðruvísi. Þetta verður því handbók um hvernig eigi að gera góðar lokur…að mínu mati…ekki matreiðslubók heldur handbók.

…og nafnið á handbókinni….jaaa það kom bara með kalda vatninu…

Fyrsta lokan kemur á næstu dögum…stay tuned!