» Brúðkaup

Daphne & Henry

Tomz — Tue, 13 Sep 2011 22:29:38 +0000

Ég var búinn að skella inn færslu um nokkur location sem ég myndaði brúðkaup á í ágúst…það var einmitt brúðkaupið hjá Daphne og Henry frá Hong Kong. Við flökkuðum um suðurlandið og mynduðum á hinum ýmsu stöðum…t.d. á Reynisfjöru, þar sem myndin hér að neðan var tekin…

Fleiri myndir sýni ég ekki að svo stöddu þar sem þau skötuhjúin eru ekki búin að gifta sig. Það er víst hefð í Kína að fara fyrst í myndatökuna, mörgum mánuðum fyrir brúðkaupið. Þannig er það “stress” búið og hægt að einbeita sér að öðru…sniðug hefð : )

© Tomasz Þór Veruson

Brad & Dalyn

Tomz — Sat, 10 Sep 2011 16:04:29 +0000

Það eru engin takmörk á því hvaðan pörin koma sem láta pússa sig saman hér á landi. Brad og Dalyn eru frá Canada og höfðu þau samband við mig tveimur vikum áður en þau komu hingað. Stuttur fyrirvari en rosalega gekk allt vel hjá okkur, fengum allar tegundir veðurs, mynduðum á mjög mörgum stöðum og í leiðinni sýndi ég þeim íslenska náttúru eins og hún gerist best, litríkt hraun, fallegar mosabreiður, há og skuggaleg fjöll og svo Reykjavíkina…allavega hlluta hennar.

Þau og foreldrar þeirra fóru glöð og hamingjusöm aftur heim…eftir frábæra daga hér á landi! Ísland…bezt í heimi….

© Tomasz Þór Veruson

Steini & Unnur…

Tomz — Mon, 05 Sep 2011 21:27:34 +0000

…giftu sig í ágúst…og þau völdu réttan stað og tíma miðað við veðrið sem við fengum…vá! Á tímabili var einum of heitt ef eitthvað! Og þrátt fyrir öskufokið um morguninn sást vel til sólar á meðan á myndatökunni stóð, við Seljalandsfoss og þar í kring.

Dagurinn heppnaðist vel, brúðhjónin dönsuðu inn í nóttina og ég heimsótti Seljavallalaug, fékk mér sundsprett og slakaði á. Klárlega einn besti endir á brúðkaupi hingað til í mínum bókum! Mæli með þessu…

Hérna koma svo tveir rammar af þeim Steina og Unni…

© Tomasz Þór Veruson

Arna & Nick…

Tomz — Tue, 09 Aug 2011 14:22:28 +0000

…giftu sig í júlí á einum fegursta stað landsins, Hallormsstaðarskógi. Ég hef þekkt Örnu í nokkur ár og þótti því voða gaman að fá að mynda stóra daginn hennar og Nick…og ekki skemmdi fyrir skemmtilegi hópurinn af ættingjum sem þeim fylgdi…kann svo sannarlega að skemmta sér! : )

Athöfnin og veislan fór fram í miðjum skóginum, í blíðu, sól og logni…dagurinn var því fullkominn í alla staði. Næstu dagar voru það líka þegar ég hélt ferð minni áfram um landið…

Hérna koma nokkrir rammar…

© Tomasz Þór Veruson

Gunnar & Hildigunnur…

Tomz — Wed, 03 Aug 2011 14:31:57 +0000

…gengu í það heilaga snemma í júlí. Á leiðinni í veisluna komu þau við hjá mér í myndatöku…eða reyndar í Elliðaárdalinn : )
Frábær dagur sem þau fengu, sólríkur og heitur. Þó held ég að þau hefðu rokkað rok og rigningu líka…algjört fagfólk hér á ferð : )

Hérna koma nokkrir rammar af þeim…takk fyrir mig!

© Tomasz Þór Veruson

Birta & Geir…

Tomz — Wed, 27 Jul 2011 12:15:09 +0000

…giftu sig snemma í júlí…þau eru þarna einhversstaðar í hópnum… : )

© Tomasz Þór Veruson

Frábær dagur sem þetta var og athöfnin sérlega falleg í kirkju sem ég hef aldrei áður myndað í, Seltjarnarneskirkju…get nú krossað hana af listanum.
Hérna kemur einn rammi…mómentið strax eftir fyrsta kossinn, þegar allir voru að smella af og enginn vildi missa af þessu…brúðhjónin í sviðsljósinu.

© Tomasz Þór Veruson

Amanda & Drew

Tomz — Tue, 19 Jul 2011 15:23:18 +0000

Let’s do this one in english…

Amanda and Drew came to Iceland in june to get married here. They were great sports, from the first time I met them to the time I delivered the shots, so happy and smily…how could you go wrong with that?! : )
These shots were taken outside of Reykjavik, we wanted to shoot in the Icelandic environment, include the lava, moss and other things that you don’t find easily in the US.

After the shoot came the ceremony at Sólfarið in Reykjavík.

Here are couple of shots from this great day…thanks Mandy and Drew…you guys rocked!

Sveinn & Steinunn

Tomz — Tue, 28 Jun 2011 21:23:40 +0000

Myndaði þetta flotta par í byrjun þessa mánaðar. Fengum rosa flott veður akkúrat í myndatökunni, logn og mikla sól…umhverfið fékk því að njóta sín eins og parið. Þessir rammar voru skotnir í Alþingisgarðinum.
Frábær dagur í alla staði og alltaf gaman að hitta gamla skólafélaga aftur.

Íris & Vignir…

Tomz — Tue, 09 Nov 2010 19:29:12 +0000

…svo flott og brosmild á stóra deginum sínum í október! Til lukku með daginn bæði tvö : )

…og svo ein úr kirkjunni…

Adrian & Rakel

Tomz — Sun, 19 Sep 2010 20:28:19 +0000

Ég var að renna í gegnum myndasafnið síðan í sumar og rakst á þetta brúðkaup sem var ekki á blogginu. Þetta eru Adrian og Rakel…mega súpermódel. Ég eyddi deginum og kvöldinu með þeim í júlí…og þvílíkur dagur…varla hægt að gleyma hitanum og loginu, úff…en samt svo gaman : ) Enn og aftur, til lukku með daginn þið tvö!

Hérna kemur einn rammi í viðbót, af allri familjunni…